و اعترفنا لبعض بعد سنين
[,عنينا خلصت فيها كل الحنين
و لو مرة اتقابلنا صدفة كنا يدوب بنسلم و نقف قصاد بعض مكسوفين
و لو مرة عديت من جنبها كان قلبي بيدق بس من نظرة عنين
و كنت بقول دا برده احساسها ولا خيال حيروح في غمضة عين
معقول حيجي اليوم و اقولها انتي اللي بدور عليها من سنين
ولا حافضل أمني نفسي بعصفور علي الشجرة مصيره يطير و يسبني حزين
لغاية ما جا اليوم اللي استنيته ولقيت عنيها بتقولي و بعدين
رحتلها و انا عارف انها بداية,أو نهاية حب السنين
كل دا و انا عنيا ما بتفارقش عنيها و قلبي خايف لكل دا ينتهي في سنيتين
أكمل ولا أرجع,اجري ولا اتشجع ولا ابدأ معاها منين
قلتلها بحبك مش عارف ازاي حطيت عمري كله بين كلمتين
و لقيتها بتقولي و أخيرا هو انا يعني ححب غيرك مين؟
دا احنا قلنا كل الكلام بعنينا و كان بس فضلنا كلمة من حرفين
و اديك قلتها و نقصنا نتواعد,لبعضنا بس نفضل عايشين
خلصت كلامها و انا مش مصدق و لا عارف قلبي راح مني فين
مش عارف ازاي الوقت فات بينا و لا حتي احنا كنا فين قاعدين
و حلفنا عمر ما حبنا ينتهي,و يا ريت يحس باللي بينا كل العاشقين
دا لو كان قيس شاف قصة حبنا ماكانش بقي من المجانين
ياريتني كنت اعترفتلها من زمان مكناش عشنا من بعض محرومين
الأربعاء أكتوبر 22, 2008 5:13 am